Iarahantsika mahita izao fa tena misy olona, na andian'olona, afaka sy mahay manova ny ranty hitantsika amin'ny facebook, raha manaraka live-n'ny filoha mamintsika amin'ny facebook isika, dia mailaka tokoa ny famafana ny ranty tsy maneho fankasitrahana, sy fitiavana ny filoha...

Ny any Canada, hono, tsy afaka mijery vaovao avy aty Madagasikara hafa tsy ny vaovao alefan'ny olona tsirairay - olona fantatrao, na namanao - fa raha "page" dia tsy hitany, satria tsy avelan'ny Meta (izay tompon'ny facebook).

Ny sary sy ny video ary ny vaovao momba ny hetsika tamin'ny marainan'ny alakamisy faha-25 septembre, indrindra ireo nahitana mpitandro filaminana mikapoka mpanao gazety, na nitifitra tanora efa manangan-tànana dia tsy hita intsony.

Fa ny tena hita misongadina dia ny korontana sy ny fandrobàna, ka izay tsy nanaraka live, na niaina nivantana ny hetsika Gen Z dia lasa mieritreritra hoe ireo Gen Z ireo ihany no lasa nanankorontana sy nandroba fananan'olona.

Ela ny ela ka tsy misy tolotra toa ny facebobaka sy akama intsony eto Madagasikara, afaka mampiasa internet tena internet daholo ny olona rehetra. Mila miezaka isika miala amin'ny facebook, amin'izay koa mba ny tranonkala-n'ny présidence, na ny an'ny primature no mandefa ny tatitry ny filakevitry ny minisitra, fa tsy sary amin'ny facebook...

Be dia be ny fomba ahafahana manoratra sy maneho hevitra amin'ny internet. Raha samy misarika ny olona manodidiina azy ny tsirairay hampiasa zavatra ankoatran'ny facebook dia ihena ny fahafahan'ny olombitsy mifidy ny zavatra azon'ny olona jerevana, sy vakiana amin'ny internet.

Izaho manokana tena resy lahatra amin'ny atprotocol, ka izay no mahatonga ahy hanoratra eto. Fa ilay décentralisation sy distribution no tena hitako tsara.

Ny ActivityPub izay misy mastodon (mitovy amin'ny twitter/X), peertube (mitovitovy amin'ny youtube), lemmy (mitovitovy amin'ny reddit - sy ny fampiasantsika gasy ny groupe amin'ny facebook) na pixelfeed (mitovitovy amin'ny instagram).

Afaka ampiasaina tsara amin'ny ordinateur sy amin'ny telephone daholo ireo, ary mora ny mampiasa azy, fa ny tena tsy maha-resy lahatra ny olona dia satria tsy ao ny namany. Fa araka ny efa nolazaiko teo dia raha samy mandresy lahatra ny olona manodidina azy ny tsirairay, dia mora ny mampifindra tsikelikely ny olona hampiasa zavatra hafa... Efa ela aho no tsy nampiasa facebook intsony raha ny tokony ho izy... efa 2007 ny compte-ko, fa ny olona fantatro tao rehetra tamin'izany efa tsy misy ao intsony. Fa teto Madagasikara moa nisy tolotra akama sy tolotra facebobaka dia voatery nampiasa messenger sy facebook ihany satria na ny tatitry ny filakevitry ny ministra aza ao ihany no hita!

Ka izay izany fa tsy facebook irery no internet e...